Ulvik kyrkje, som vart innvigt i 1859, er ei krosskyrkje med enkle empireformer og tårn i vest. Kyrkja er godt bevart i opphavleg form utvendig, bortsatt frå sakristiet som er påbygd seinare.
Ulvik kyrkje er oppført i utvendig panela laft av byggmeister Chr. O. Valand etter typeteikningar av Linstow.
I kyrkjerommet er det samanhengande galleri i tre korsarmar. Korskiljet, som består av to dekorerte søylar og ein høg skranke med dreidde stolpar, vart sett inn i 1923. Lars Hæve frå Voss laga treutskjeringane i korbogen. Interiøret er rikt dekorert av Lars Osa i 1921-1923, med rosemåling og blant anna måla evangalistar i koret.
Altertavla er tredelt og i nygotikk stil, med måleri av Nedtakinga frå krossen av Anders Askevoll frå 1876, etter ein orignal av målaren Lazerge. I kyrkja heng de også eit epitafiom, eller ei minetavle, over Thomas Samuelsen Uro, sokneprest i Ulvik frå 1652 til 1667, med hustru og åtte barn. Bildet er frå 1650 og er måla av Elias Fiigenschaug.
Kjelder: NIKUs kyrkjeregister